Wenn meh gnueg früeh a die grosse spiel goht, chunt me ohni problem ine und chan sich sogar non pulli ergattere.
Aber was mich zum Thema Frass ufregt: Das huere Fleisch! Jo nänned mich e Frau, e Memme, en Warmduscher, aber ich gseh nüüt männlichs dra, sich e Wurscht inezdrucke! Ich meine ich chan demit läbe, wenn ihr umbedingt müend eues Fleisch ha, aber ich finds rächt scheisse, dass es kei alternative git zum Fleisch ... "grüezi ich hetti gern drü furztrochni bürli, was koschtet das ?" ... ächt, macheds doch eune vegetarische mitmensche nöd eso schwär ihres gäld im letzi ligge z zloh! Es mues jo nöd grad en vegane-bio-salat sii, aber zumindescht was für die wo tiermord nöd eso geil findet. Öppis wo ali gern händ ... zum Bispil Frits oder so. Bi dem vegi-trend in letscher ziit tät vermuetlich sogar no was useluege.
Schusch wär ich für chli meh Sieg fo eusere Mannschaft und defür, das en spiler meh als 2 johr chan bliibe ... also eifach filicht mol 2 saisons die glich MANNSCHAFT und nöd e zämegwürfleti gruppe fo einzelspiler, wo de glich arbetgeber händ ... chli TEAMgeischt.
Hui, gar nöd gwüsst, dass ich sonen Mötzli chan sii ... nämeds nöd eso ernscht - ales halb so wild.