Wieso seid Ihr FCZ Fans? Wie seid Ihr zum FCZ gekommen?

[Jea]

min churz gschicht...

ich bin ebefalls, wie vieli anderi durch min vater zum fcz wie au zum zsc cho... er hätt mi woni chum ha chönne laufe, scho a mätsch mitgnoh, zerscht sinds hockey mätsch gsi, dänn fuessball (wobi ich afangs am sa amigs go fcz "han müesse" luege ;) und am so altstette), dihei isch ebefalls eifach nur vill sport gloffe. für üsi familie isch klar gsi, dass mer fcz und zsc fan wird... nur, ich ghör zu däne, wo meh ufs hockey gange isch.

es paar jahr spöter isch mini cousine gc fan worde, wägem kubi und em zubi (wie chamer nur!!) und dass vo üs niemert eilei an match hät müesse, simer zämä ad mätsch gange, d.h. ich go gc luege und sie mit mir fcz, wobi sie unterdesse au fcz fan isch :). min vater würd sich im grab umdräie, wänner mitbecho hett, dass ich id chiesgrueb bi, wo dä fcz ned dert gspillt hätt... :)

grüessli

[Kiwi]

Also ich bin FCZ-Fan worde, wil mich min grossvater einigi mal mitgno het uf de letzigrund, und das nur, wil er het welle vermiide, dass ich nach mim vater chume, und regelmässig de hardturm bsueche (wird ihm ewig dankbar si defür).
Leider isch min grossvater bi minere schwöster z'spat cho, und drum isch si jetzt gc-fan...!
so hett ich müesse i de unterzahl mit gc-fans zämmä läbe, aber mini mueter het mitleid gha, und isch dur das eigentlich fcz-fan worde!
das wär mis herzige fcz-gschichtli xi...=)

[King]

hmm lasst mich mal überlegen....

Ich glaube das erste Spiel, dass ich vom FCZ gesehen habe, war vor ungefähr 15 Jahren oder so. Wir gingen mit dem FC in den Hardturm, damals noch mit den alten Tribünen an das Derby. Ich war so ungefähr in der 4. Klasse. GC hat gewonnen, glaube ich auf jeden Fall. Auf alle Fälle hat der FCZ einen Penalty verschossen, bzw. an den Pfosten geknallt. Damals stand noch unser jetztiger Goalietrainer Martin Bruner im Tor der Hoppers. Auf alle Fälle, kann ich nicht sagen das ich da schon FCZ Fan war.

Mit meinem Vater ging ich an die GC spiele, da er durch seinen Chef immer Tickets bekam. Ich mag mich noch erinnern, als ich mal mit meinem geschenkten St. Gallen Schal zum Match ging und der Chef meines Vaters einen blöden Spruch brachte. Ich habe mir gedacht, was für ein Arschloch. ICh war so 10-12 Jahre und der hat nichts besseres zu tun als mich anzuficken? Anyway mein Vater und ich haben uns tierisch gefreut, dass St. Gallen GC runtergeputzt hat. Das war wohl eines der letzten Spiele die ich zusammen mit dem Chef von meinem Vater gesehen habe. Da mein Vater die wurzeln in der Ostschweiz hat, freut er sich auch heute noch über St. Gallen oder auch Wil, jedoch habe ich so gute Arbeit geleistet, das seine Sympathien mehr beim FCZ sind als bei GC.

Zum wirklich FCZ Fan wurde ich so mit 16 / 17 Jahren. Ich wurde wohl zum FCZ Fan, weil ich jeden Tag die Stadt Zürich noch mehr lieben lernte. Mir war klar, dass ist meine Stadt, hier gehöre ich hin. Also liegt es wohl sehr nahe, dass ich den Stadtclub supporte und nicht die Hoppers aus Niederhasli!

[Socrates]

PS: Min Brüeder hät sich au vu GCn losgrisse und chunt mitlerwile au jedes FCZ Heimspiel gu luege.

... und alles wird gut! ;-)

[Mr. Blue]

PS: Min Brüeder hät sich au vu GCn losgrisse und chunt mitlerwile au jedes FCZ Heimspiel gu luege.

... und alles wird gut! ;-)

nöd nur guät sondern au richtig. jez gits für beid fürs ganze läbe nur no ein verein und ei gruppierig: fcz und reservoir dogs. hehehehe

[Mr. Blue]

zu minere gschicht gits nöd vill zsäge.

ich bin so erzoge worde. mini eltere hend mich als baby scho mit ad mätch gno. ob im letzi oder sogar uf sion.

ich han nödemal anen andere verein dörfe denke. suscht hets uf de latz gäh. :-)

es isch hald i eusere familie wi e religion gsi. tja

so isch ebe au richtig. wird ich mit mine chind denn au nöd anderscht mache.

[Dave]

Also bi miär ischäs wäg mim Vatär gsie. Är isch zwar immär für dä FCZ gsie, isch abär nöd a d Schpiel. Ich han mich s erscht mal für Fuässball interesieärä a dä WM94 mit äm Sammälalbum. Und will ich so Freud gha han sind ich und min Vatär in Hardturm s Derby go luägä. Will miärs nöd so tschägät händ bin im i dä Oschteschrtadä glandät. Isch zwar einersits schlimm, abär äs isch au luschtig gsie wo dä Kubi dä Penalty am IKE nöd verbiebracht hät. Da händ sich all schön ufgregt. Dä FCZ hät dän 1:0 gunä dur äs Goal vom Studer. Bin ja nonig Fan gsie als 6-Jährigä chan mi abär no ärinnärä das Zürifans äs riesä Fäscht uf dä Schtrass gmacht händ :-))))))))))). Und so bin i jedi Saison meh Schpiel go luägä, und hüt bin ich bi jedem Heimschpiel i dä Südkurvä. ( Ad Uswärtsmätsch gan i nöd regelmässig)