Keita

[lukas86]

Manchmal frage ich mich wieso so logische Sachen wie das Keita und Guerrero nicht zusammenpassen die Trainer nicht sehen. Wenn man die Aufstellung so machen würde wie hier im Forum diskutiert wird wäre sie meist logisch. Vielleicht sollte Bregy sich seine Aufstellungen hier aus dem Forum holen, oder Grüter, der ja wie er sagt ab und zu in's Forum schaut danach Fragen.

[Socrates]

Das mitem anders aspiele gsehn ich genauso!
Es git Teams wo au 2 chlini Stürmer händ und das ganz erfolgrich. Ich dänk da z.B. a Chile a de WM98 (??) mit Zamorano und Salas. Aber wenn mer mit somene chline Sturm spielt isch es doch eifach nume mit Dummheit z'erkläre, dass mer immer höchi Bäll vore iedrescht. Und das bi sonere grosse Verteidigung wie Xamax (Barea, Buess, etc.). Absolut idiotisch......isch glaub jedem ufgfalle, oder??

Aber grundsätzlich ghört Yasar wenn er fit isch unbedingt in Sturm. Es brucht chli physischi Stärchi und en Brächertyp. D'Mischig Keita und Guerrero isch würkli nöd ideal. Aber es gaht nöd nume um de Sturm. Oisi komplett Manschaft usser paar Verteidiger bestaht us relativ chline Spieler. Wär villicht nöd s'tümscht emal au das bimene zuekünftige Transfer in Betracht z'zie. Chli me körperlichi Stärchi würd oisem Team guet tue.

Aber ich wott nöd gross umemotze! Grundsätzlich hät de Isatz gstumme und das isch mal sicher positiv. Spielerisch muss me cho.....aber am nöchschte Sunntig muss GC s'Spiel mache und da lahn ich mich mal überrasche vo oisem FCZ. Ich wird mich scho nöd zrugghalte mit Kritik, aber momentan findis no chlie früe.
S'gliche gilt für de Pancho. E paar Ernstkämpf sött mer ihm scho no la, bevor mer ihn grad als Niete abstämplet. Usserdem hät öpper gschriebe "vom Problem" vom Keita. Was wär das?? Nimmt mi no Wunder im Ernst! Wobi ich känn glaub d'Antwort... ;-)

Gruss
Socrates

[edith]

Hoi mitenand,

au mini Meinig zum Keita.Ich gang ja viel Training go luege, und es fallt mier eifach uf ,das Keita sich nid wohl fülht. Ich denk eifach das er unbedingt mal mit einer Vetrauensperson sed rede.Ich ha mal glese irgendwo das es Fussballpsychologen gebe die da sind das die Spieler den Kopf leeren können.Ich glaube auch das er sich unverstanden fühlt. Warum weiss glaub keiner,au er selber nid.Mier tuet er langsam leid.Er isch eifach zjung um alles verstah was so vorsich gaht.
Ich denke es wär gar nid so schlecht wenn er mal is 2 gaht.Viellicht chan in de Trainer helfe.ER isch ja bekannt das er Spieler wieder ufbaue chan. Grüsse an alle edith

[ADItSAB]

Ich kenn dä Keita ziemlich guet und ich verstah sini Problem. Dä Keita isch ziemlich Hochgjublet worde afangs Saison. Das isch eifach zviel gsie für ihn, dä ganzi Rummel um sini Person. Er hät vo sich erwartet, dass er immer mehr Goal schüsse chan und das er endi Saison is Ausland wechsle chann. Das isch leider nöd ganz ufgange, er hät paar Spiel keis Goal mä gmacht und isch innes Tüf grate. Für en 19 jährige isch das ziemlich ä schwierigi Situation. Er brucht jetzt ä Vertrauensperson und das isch dä Bregy ja bekanntlich überhaupt nöd.

Ich hoff, dass ihr, liebe Fans, ihn nöd im Schtich lönd und ihn au mal aführet. Ich bin mir sicher, dass mit Eure Unterstützig dä Keita wieder in Hochform chunnt. Dänn er isch würklich es riese Talent, wo wenns im Kopf stimmt, zumehne Star wird.