lucien favre verlässt den fcz - wer soll nachfolger werden?
-
WW
-
Flatterball
- Beiträge: 229
- Registriert: 23.05.07 @ 22:56
- Wohnort: Reihe 8, Platz 16
argus hat geschrieben:ein Dream Team bei der Arbeit........Szenen einer Suche
Strittmatter: läck, Cilo, was häsch dänn Du für Schueh a hüt
Canepa: gäll sind geil, sind eigentli die alte, han eifach no 10 cm
Sohle druf liemä lah, weisch ich würk susch immer so chli
uf dä Fotene und im Fernseh, hey Fredy, wievielmal bini
hüt und geschter i dä Zitig und im Färnseh cho?
Bickel: Weiss nöd, no kei Zit gha zum zelle, bin dra, Dossier z
studiere, Du dä Uli Forte hät dänn ganz ä starchs Dossier
igreicht, ä guets Konzept, ähnlich wie dä Lucien vor
4 Jahr
Canepa: känni nöd, chan dä tschute? red Du mit dem, dä chunt
sowieso nöd in Frag, chum ja gar nöd i dä Zitig, wänni mit
dem gang go ässe
Bickel: macht aber ächt än starche Idruck, luegs doch mal a
Strittmatter: Super, dänn mached mir än langfrischtige Vertrag
mit äm Forte, ich
übernimm s Handgäld vo 20'000 und bechum dänn
d Ustiegsentschädigung, dänk bi dem Risiko für mich
müend das scho zwei Millione si.
Canepa: Seich, und wänns nöd haut, dänn zahlt dä Verein s Salär
für die ganz Zit, chasch mir i d Schue blase, überhaupt,
Fredy, was isch jetzt mit dem Termin
Bickel: Was für än Termin?
Canepa: mit em Kohler dänk, wott mit dem go ässe, schtreus
aber bim Blick und bim Tagi und säg dene, sie sölled mich
vo dä linkä Site fotografiere, nöd vo vore oder vo rächts
vo links, so gsehni am beschte us.
Bickel: seich, dä Kohler chunt doch sowieso nöd in Frag, chömed
jetzt und befassed öi mal seriös mit dene Dossier, für
mich isch eifach dä Schälli immer no dä bescht
Strittmatter: chunt überhaupt nöd in Frag, mir mached da kei
Vetterliwirtschaft, und mit dem usrangierte Pflock
chönd mir ja sowieso nüt meh inähole, für dä
zahlt sicher nie meh öppert ä Ablösesumme
Bickel: Vo wäge Vetterliwirtschaft.,.......Du bisch grad dä rächt
also wänn ihr dä Schälli nöd wänd, dänn bin ich für dä
Forte oder dä Seeberger, die händ eifach die seriösischte
Dossier igreicht und mached än gueti Idruck, alli andere
sind Schumschläger oder viel z tür.
Canepa: hör mal uf mit dene Dossier, ich will mit em Kohler go
ässe, Lothar, Balakov, Laudrup, Kohler, das sind Näme,
das isch mini Liga, ich bin schliesslich........
Strittmatter: ja ja, mir wüsseds langsam, Du bisch vom Vogel zum
Probetraining iglade worde, nur weiss das ussert Dir
niemert
Canepa: und Du häsch vo Fuessball so viel Ahnig, wie ä Chue
vo impressionistische Malerei, wänn ich nöd i d Wirtschaft
igstige wär.....
Bickel: ja, ja Cilo, scho guet, mir wüsseds ja, aber chömed,jetzt
jetzt schnurred mir scho wieder über ä stund und sind nöd
wieter, jetzt gönd mir mal seriös alli Dossier durä
Canepa: für was, für mich chunt nur än super Fuessballer in Frag
Strittmatter: und für mich eine mit Ustiegsklausel und Ablösesumme
Bickel: aber mir händ doch äs Aforderigsprofil........
Canepa: paperlapap, das isch doch nur für d Präss, ich entscheid
usem Buch
Strittmatter: was heisst da, Du entscheidisch, mir entscheidet
gemeinsam
Bickel: also nie
Canepa: blödsinn Fredy, Du beruhigsch jetzt mal dä Forte, dä See-
berger, dä Dellacasa und dä Challandes und wie die
Antifuessballer alli heissed, ich red nomal mit dä wahre
Kandidate und dä Stritti söll mal ä heissi Usstiegsklausle
formuliere, eini wo viel z rede git.
Bickel: ja ja, aber wänn und wie chömed mir zumene Etscheid
Canepa: wie, ich entscheid dänn usem Buch, und wänn, also
ich wott no mindeschtens 30 mal i dä Zitig und viermal im
Färnseh cho
---
Strittmatter: He Cilli, Bicki, S’hät mich eine aaghaue und gseit: Ich kenn Eu alli vom Färnseh. Ich het dr no e Lischte mit einige wiitere näme. S’wäred alles super Type und sofort verfüegbar! - Kool hani gseit. Aber bisch sicher. Mir nämed dänn keine wo scho irgendwo unter Vertrag isch. Mir bliibed suuber und lösed keine use.
Bickel: Geil und was hät er gseit?
Strittmatter: Nei s'seged absolut suubere Type. Alles sofort verfügbari Allrounder. Und dass es grad klar isch Bicki; Alli mit perfäkte Dossier. Ächt Mann.
Bickel: Ä suubers Dossier isch scho fascht Tschäpmiens Liig. Also s’wär nüd schlächt em Bali, Finki, Schälli und dä andere no e chli Konkurrenz ufhalse z’chönne.
Canepa: Ok. Bringe di Sieche. Ich wot alli gseh. Mit allne go ässe. Stritti, sägs em Blick ich wotts morn läse. Säg ne ich seg I dä Calvados im Musigsaal. Aber ebe. Si sölled d’Foti vo links mache.
Bickel: Chasch nöd mache. Das isch nöd serös. Nimm eine nach em andere. Mer händ ja Ziit.
Strittmatter. Klaro je grösser und länger d’uuswahl deschto besser chömmer verhandle. Agebot und Uswahl kännsch?
Bickel: Cilli, Stritti! Die Lische hät aber nume 8 Näme!!
Caneppa: Käs Problem mer mached us jedem no en Urs und en Jürgen. Dänn hämmer 24 und es langed bis zum Juli mit jedem
Bickel: Huere Siech. Chasch nüd mache. Bim nünte chunnt aber wider de erscht.
Caneppa: Käs Problem. Dänn sölleds d’Foti vo rächts mache und ab em siebzähte vo hinne.
Bickel: Klever. Aber d’Dossier werded wider die gliche si.
Caneppa: Käs Problem. Ich entscheide eh usem Buch.
Vielleicht gibt es eine nächste Folge, wo erklärt wird, dass der vermeintliche Trainervermittler der Sachbearbeiter Heuberger vom RAV ist und den Herren in den Anzügen seine Klienten vermitteln will.
22.10.1989, Nati B, FCZ-Brüttisellen 1:3. Dänn isch's ufwärts, im 2017 abwärts und jetzt wieder ufwärts!
Zurück zu „Fussball Club Zürich“
Wer ist online?
Mitglieder in diesem Forum: Blazphemie, Cavusevic21, Dave, Funkateer, K8, Kollegah, komalino, SpeckieZH, spitzkicker, s'Efeu, yellow, zhkind und 343 Gäste