Und wann kommt "unser" Stadion?

[Florian]

Miner Meinig nah, chunnts neue Stadion eh öpe 3-4 Jahr z'spat. Bis euses Stadion (hoffentlich) bis 2006 staht, händ Basel, Servette, YB, St. Gallen und Aarau (da zwifle ich) ihres neue Stadion scho längscht bezoge und gegeüber äm FCZ än mehrjährige Vorsprung. GCN wird das weniger störe, aber mir sind uf jede Franke agwise.

Und jetzt no öpis für die wo säged, s'neue Stadion segi z'gross.
Näme mer mal ah (was z'hoffe isch), dä FCZ qualifiziert sich dänn wieder regelmässig für dä UEFA-Cup und äs chunnt än attraktive Gägner in "Letzi" (wie ich äm neue Stadion vorläufig no säge wird), dänn werdet die 30000 Plätz sicher voll si, was eus 1 Million inahme garantiert (verglich mit Basel, wo so viel inähmed bi usverchauftem Hus). Mit dere Million isch s'Stadion scho für äs ganzes Jahr finanziert und d'Zueschauerinahme us dä Meischterschaft chönnd demzufolge als Gwünn verbuecht werde.
Und dänn hämmer natürlich no so ungliebti VIP-Loge, wo aber doch sehr viel Gäld abwerfed...

Gruess Florian

[Aglaia]

Stolzer Zürcher:

Ich glaube es gid doch bi jedem Verein Modefans das laht sich ned verhindere und grad wenn mer es neus Stadion bechunt gits den hald viel vo dene aber sägemer au wenn de FCZ uf Platz 1 wär im Letzi gits doch au Modefans oder ? Also das isch ned so es Argument gege es neus Stadion :-))))