NEI

[Célina]

Mier händ scho immer das Päch! Wänn d'Glägäheit da wär, meh Abstand uf de Strich sich z'verschafe, nähmed miers nöd war!

Aber ja nu! Mer chan nüt ändere! Jetzt mönd halt 3 Pünkt in Basel daher und das isch sicher möglich! Ich hoffe nur, dass d'Mannschaft die Niederlag guet verchraftet.

Öpis Positivs zien ich aber us dem Match. Dä Raimondi hät wieder e mal es Goal gmacht und de Bastida hät wieder gspilt!

So, jetzt also uf en Sieg in Basel und Chöpf hoch!!!

Célina

[#10]

Wer hier noch einmal von Pech schreibt nach so einem Match, war entweder nicht dabei oder ist bescheuert!

Wir müssen hier ganz offen reden von Unvermögen, fehlendem Engagement und von Fehblesetzungen.

So ist's, leider!

[Célina]

Sali

Ich finds ja guet, seisch du so erli dini Meinig und ich han s'Spiel nöd gseh, also chan ich au nöd sägä wie schlecht sie gspilt hend.

Ich muess aber sägä, dass ich es paar Spiel i därä Saison gseh han und sie mängisch klar mit Glück gwune händ, aber au mit Klass! Mier sind fascht die einzig Mannschaft vo de Schwiz, wo 2mal im vill besser als GC gsplit händ! 2 Sieg wäred verdient gsi, aber dete het eus halt au e chli s'Glück gfählt. Das isch nur eis Bispiel gsi!

Ich bin halt en Fan, wo alles immer guet wot gseh und sehr selte e schlächti Kritik an FCZ uselat.

Eis wot ich dier aber sägä. En FCZ Fan sötti immer Positiv dänke, für das sind mier ja au bekannt.

Zum Andere chönd mier jetzt gägä Basel zeige, was würkli i eus steckt!

Grüessli Célina

[Philippescu]

Wir müssen hier ganz offen reden von Unvermögen, fehlendem Engagement und von Fehblesetzungen.

Herr Bregy wo ist Guerrero ??? Später mehr von mir bin noch zu wütend um was vernütftiges zu schreiben!

[Stolzer Zürcher]

hüt het vieles nöd gstumme!!! De zuschauerufmarsch isch wieder mal unter aller sau gsi, wobi so wiäs spieled händs au nöd meh verdient! wieder mal het mi de Bregy entdüscht mit sine ihwächlige, 6min vor schluss bringt er für en stürmer namal en stürmer ine, klar de Yasar het öpis ka aber für Bastida heti ja er en stürmer chöne ihtuä zbs Oenen oder so!!! Chance hämmer ja ka für de Sieg ( Keita:2-3, Gygax:2,Raimondi:1-2 usw) und das alles 100%, wommer eifach müsst mache!! Zu Wil mueni no säge, das guet gspielt händ und ide 1. Halbziit de FCZ unter Kontrolle ka het!!! No schnell zum Bregy, wieso laht er de Jefferson spiele und wieso git er am Guerrero kei zweiti chance?! Will de guerrero isch glaubs scho chli besser als de Jefferson, diä einzig guet Aktion vo ihm isch de Pass zum Keita gsi wo si aber leider nöd gmacht het, wobi meh muess au säge de Jefferson het au glaubs numä so 15min gspielt aber wäg dem chönt mer sich glich chli meh bewege!!! Janu de Jefferson isch ja au nümä lang bi euis! Wobi de Jefferson isch nöd de einzig wo nöd guet gsi isch hüt abig, eigentlich diä ganz mannschaft het nöd guet gspielt eifach am Jefferson sin "Isatz" isch mer bsundrigs ufgfalle!

[Célina]

Ja sicher positiv dänkä isch super, mer sind ja immer no 4. und mer werdäds tatsächlich au bliebä, aber dä Strich chunt wohl immer nöcher. Kritik sött mer üäbä und wänn mer das nöd chan dänn zeigt mir das nur das mer bim FCZ mit äm allzubekannte Mittelmass z fridä isch. Und ich bin eigentli dä Meinig das än treue Fan arächt hät uf leischtig vo "sim" Club. Und ich sägä nachwievor das mich nur Spiel gäg GC, s Heimspiel gäg Servette und evtl. no s Uswärtsspil z Luzern erfreut hät.

Sali C_S

Sorry, wenn ich e chli zu fräch worde bin, aber ich han defür au en Grund. ICh känä sehr villi GC-Fans wo immer öpis am FCZ umeznörgle hend. Ich bin miers gwönt dänn immer eusi Mannschaft zverteidige. Wänn dänn au no FCZ-Fans irgendöpis uszetzte hend wird ich ebä im erschte Moment hässig. Rächt häsch aber! Ich wünsch mier, dass mier eimal wieder ca. 3 Rundene vor Schluss i de Finalrundi stönd. Wänn d'Zürispieler öpis wänd guet mache, denn söled sie gägä Basel gwüne!!! Ich weiss isch sehr vill verlangt, aber für mich muess das jetzt fascht cho, damit mier beruigt i d'Finalrundi chönd!!!

Sorry nomal und es liebs Grüessli

Célina

[Florian]

Sali C_S

Sorry, wenn ich e chli zu fräch worde bin, aber ich han defür au en Grund. ICh känä sehr villi GC-Fans wo immer öpis am FCZ umeznörgle hend. Ich bin miers gwönt dänn immer eusi Mannschaft zverteidige. Wänn dänn au no FCZ-Fans irgendöpis uszetzte hend wird ich ebä im erschte Moment hässig. Rächt häsch aber! Ich wünsch mier, dass mier eimal wieder ca. 3 Rundene vor Schluss i de Finalrundi stönd. Wänn d'Zürispieler öpis wänd guet mache, denn söled sie gägä Basel gwüne!!! Ich weiss isch sehr vill verlangt, aber für mich muess das jetzt fascht cho, damit mier beruigt i d'Finalrundi chönd!!!

Sorry nomal und es liebs Grüessli

Célina

Ich finds richtig, wänn mer gegeüber GC und andere Fans sin Club bedingigslos verteidiged und alles immer guet redet, um dene ja kei Asatzpünkt geh zum dich uslache (red us Erfahrig).

Aber wänn mir FCZ Fans da im Forum under eus sind, find ich s'richtig so ä mieserabli 1. Halbzit wie geschtert au gebührend z'kritisiere.

Gruess Florian