Die Basler kommen anscheinend mal wieder in unser schönes StadionAlli uf Züri! (05.05.2013)
Wie allgemein bekannt, isch d Situation rund um unseri Spiel in Züri sit längerer Zit feschtgfahre. Mir hän uns bereits mehrmols und ussfiehrlig drzue güsseret:
Nach de Uswich- und Störaktione vo de letschte paar Mol, hän mir entschiede, dass mir dasmol versueche, d Situation ufzbräche. Mir wärde ganz normal dr Extrazug nach Altstette näh und vo dört wie gwohnt zum Stadion laufe.
Unseri Beobachtige vo de letschte zwei Zürcher Derbys im 2013 bekräftige uns in däm Entschluss. D Polizei het bi de Fanmärsch e defensiveri Taktik agwändet, eso wie sich das au bi uns über Joore bewährt het und wies praktisch an jedem andere Ort in dr Schwiz üblig isch:
Zudem het grad unser letschts Spiel in St. Galle zeigt, dass e Schritt zrugg, au e Schritt in die richtigi Richtig ka si: Sit Afang Joor fahrt d Polizei dört wieder e defensiveri Strategie.
Unter deene Vorussetzige isch d Stimmig vo Aafang aa um einiges entspannter. Klar isch das kei Garantie, dass es nit zu Usschritige kunnt, aber es spielt sehr wohl e Rolle, ob me als Gäschtefans vo mehrere hundert Polizischte in Kampfmontur empfange wird oder ob sich d Polizei im Hintergrund ufhaltet und situativ iischrittet.
Dorum: Alli uf Züri! Tickets kaufe mir aber trotzdäm erscht vor em Block!
Quelle:
http://www.muttenzerkurve.ch
