ui da kommen erinnerungen auf! ;-)
auswärtsfahrten die ich wohl nie vergessen werde!
mit dem car nach bosnien (und nie angekommen)
und mit dem flugzeug auf die insel!
für die die es wieder mal lesen möchten... hier die kurzen match, oder eben nicht matchberichte!
________________________________________
nk brotnjo - FCZ
Und zwar aus dem einfachen Grund, weil wir das Spiel ebensowenig wie ihr gesehen haben!!!!!!
Im Moment bin ich noch zu erschöpft um den Worten freien Lauf zu lassen, werde es auch nur in Stichworten tun, später folgt dann ein fundierter Bericht (wenigstens über die Reise) und Fotos.
3 Stunden am Gotthard
5 Leute mussten wir an der italienisch-slowenischen Grenze lassen.
plus den zweiten Chaffeur, da er als Jugoslawe ein Visum braucht, welches er nicht hatte.
Die restlichen Leute kamen auch nicht weit, weil der andere Fahrer seine erlaubte Fahrzeit überschritten hatte, die Uefa konnte das Spiel nicht verschieben und und und!!!!!!!
Chaos total!
Und trotzdem, ein Wochenende, welches die Leute nie mehr vergessen werden...
Danke allen, welche dabei waren, und die Nerven behielten, wir waren ein starkes Team.
Wie immer gilt und galt besonders auf dieser Wahnsinnsreise:
Mier gänd niemals uf!
Gruss an alle "Unverwüstlichen" (Zitat Vater von Burki)
Camino-3-
___________________________________________________
aston villa - FCZ
eigetli bini fescht devo überzoge gsi, dasi sicher nöd uf england gah wird, d`reis uf bosnie, bzw. halt nume uf kroatie, isch gschuld dra gsi. aber es chunt ja eh immer wieder andersch...
und so bini den halt am friitig glich z`chloote am ichecke gsi. (min allererschte flug) und ich han ja e deftigi angscht gha, aber für de fcz machtmer ja alles! mit 9 witere unerschrockene isches den wiiter gange to destination london luton. nach einehalb stund fahrt simmer in london city aachoo. per underground hemmer ois mal uf de weg gmacht zum oises hotel sueche, s het gheisse es seg echli versteckt... echli isch guet!!! normalerwiis brücht mer öpe 4 minute vo de station zu de jugi, aber mir geile sieche schaffed das au inere halb stund indem mer eimal um de ganz hüserkomplex umegloffe sind unds nöd gfunde hend. chuum stömmer dete xemer di erste punks, mr.südkurve in ufregig... nachdem de grecco für ois icheckt het simmer an picaddily circus. und was macht en fcz fan z allererst? in burger king go fresse. deftig. nacher s obligate shoppe (2h im fuessball stock vomene sportlade, wie chönts au anderst sii!) nachdem de grecco und so entschiide hend au no s kulturelle go aluege zga sind die andere is rotliechtviertel gange. es vertaht sich vonene leige, mer sind go fuessballläde sueche, die seged anschiinend dete. irgendwenn isch au sektion british airways aacho und mer het sich ide bar vo de jugi troffe, mit emene obligate fc züri aaaaaaaalllllllllllllllllleeeeeeeeeeeeezzzzzzzz... da es bier nur 1 pound kosted het hend sich all welle d lampe fülle, schlussendlich het aber denn irgendwenn d müedigkeit überhand gno. ussert bi oisem london kenner (behauptet wenigstens er), dä isch nemmli mit es paarne id city füre. hend netti bekanntschafte miteme zuehälter gschlosse... am nächste morge, vill z früeh, het de vampire s gfühl gha er müessi de gügel spille und het troz sim schmächtige körperli mit voller wucht ad wand anebängled. mer sind gstande im nest. naja, alles het nüüt bracht, de bus uf birmingham het gwartet. in victoria station sind au no d locos zu ois gstosse. irgendwo idem bahnhof hets e riisigi linnwand gha, und was staht plätzlich det druf?! today's football games... aston villa- fc zurich, was ois dezue veraalagt het oisi gsäng wieder ufznee. das wieder um het es paar gstalte, womer zimmli eidüütig i ei kategorie Chan iiteile, zu nes paar musternde blick zwunge het.wiiter isches gange.... also, mer höckled i dem büsli ine, und irgend sonen geile siech vo ois het s gfühl gha er müssi jetzt ufs WC. dem war nicht so, denn chuum heter d schissetür ufgmachthets bestialisch afange stinke!!! abartig! 3h car fahre idem gstank, danke denn. 100000 roti ziegelstei spöter simmer denn z birmingham aacho. absoluti dreckssstadt! fast no schlimmer als basel, und das will was heisse. achoo, gepäck verstaut, wc bsuech, und ab id city. chuum zum bus us, straight on übers trottoir in nächste sportlade. es schiist mi immer no a dasi d yves saint laurent schue nöd kauft han! wommer denn entli emal, wenigstens ide nächi vom villa-park glandet sind, simmer det scho wieder inen lade... aston villas fan shop! vomene steward vor oise iigang gfüehrt, und denn ab is pub! wo denn au d villa fans ois echli komisch agluegt hend. wo denn s stadion entli ufgmacht het simmer det inemarschiert... 3 stege tritt duruf und ide hose vo de männliche mitglieder (99%) hets nüme gar eso vill platz gha wie voranne. wemmer grad scho bi dem thema sind, s nächst mal wär au de papparazi froh wenn sust no es paar wiblichi mitglieder mit vo de partie wäred. fahne montiert, chli umegschrouä, d spiller begrüesst, gruusigi hamburger gfrässe, mitem maskottschen vo villa es foti gmacht und alles ander womer halt z england eso macht. churz bevor s spiil agfange het wott ois doch tatsächlich sonen steward in gääl mitteile mer sölled ois doch setze, please. bitte?! was?! wie isch das gange?! sitze??? mer sind doch nöd wies pack. aber alles het nüüt bracht... stimmig hemmer gliich gamcht. und wie!!! mer hend d fuess ueghebed, hend spontani lieder dichted und de schiri uf dütsch beschumpfe (de schiri ischen böse lalalalala) mer hend ois sichtlich amüsiert. stimmigs mässig simmer böös entosche worde, d villa fans hend aber grad gar nüüt z büütä gha. numme grad es paar vättere mit ihrne söhn nebed ois hend ois paroli bote, z.b. hends zu de melodie vo FOOTBALL`S COMING HOME gsunge ZURICH IS GOING HOME... zum glück, bi dene fish and chips mensche hetis eh nümm allzu lang usghalte. zum spiel muemer glaub nüme vill sege. nachdem de gygi all oisi troim vom europacup zunichte gmacht het, het de grecco gfund eer näm jetzt dä villa-park mithei und stellen bi sich is zimmer. de stewart het das aber nöd so luschtig gfunde und ihn bete er sölli doch sis stadion in ruhe lah. gnau de mensch in gel het ois den müesse fotografiere. den heter na wele abseckle mit oisne fotiapparät. aber mer muess dene sicherheitslüt es kompliment mache, sie hend überhaupt e kes provokativs uftrete, sind saufründlich, lueged für dich usw. und das klapped hervorragend! vielicht söttmer sich das bi ois au emal dur de chopf gah lah, vorallem nach de letschte zwüschefäll. anyway, das nume so nebedbi. also, mir per doppelstockbus zrugg id city womer ois den uf zwei mobs ufteillt hend, de eint isch ines pub, de ander, wie chönts au andersch sie, inen sportshop. und was mached mir dete?! jede vo eus chauft es karrierts hemp für nume sage und schreibe 1£! het sehr schlau usgseh... wemmer scho in england sind hemmer ja fascht au na müesse in subway go fresse. det hanich e diskusion gha mit em grecco, da er mich us mangel a bruschtbehaarig nöd wot bi GATE 3 ufneh. drufabe hanem grad d`fründschaft kündt.
en blick uf d`uhr, shit scho halbi 7ni, und de bus fahrt am 7ni retour uf london sress im quadrat. glich na rechtziitig am busbahnhof acho hemmer ois ufd rückreis gmacht. super, hemmer gfunde, dass s'wc gschlose gsi isch im bus, blöder für euse malibu trinkendi fründ B. de het drufabe halt ine fläsche, bzw. i 2 fläschene uriniert, "so geil, das isch ja na warm..." z'london acho hemmer ois (6 stuck), vo de anderne verabschiedet, da die en andere flug gno hend, und nöd wie mir uf luton an airport use hend müesse. de U.K loco het ois den na ad busstation begleited. spezielle dank na a ihn!
mein gott, de buschauffeur hets ja es bitzli presant gha, de het die kurve ja nume so gschnitte. am mr. südkurve hets nöd so gfalle, da er sich debi s'chöpfli agschlage het. ok, punkt mitternacht am fluhafe acho, oise flug isch erscht am 8i am morge, was jetzt? hunger! ab in burger king, na toll, gschlosse! jetzt bini huere gfruschtet. hemmers ois echli bequem gmacht. de K. isch grad an bode glege und het sich mitere züri fahne zuedekt, und knallhert 6h pennt, (scho chli asozial) i dere ziit isch aber einiges passiert, z.b. isch de S.,de mr. südkurve und d'paparazzi usse gange eis go rauche, und die hend den e grossi zh fahne usbreited und druf i richtig oschte beted, peinlich isches worde wos gseh hend das die taxifahrer wo nebed dra gstande sind all chopftüecher ufem grind gha hend... in zwüsche han ich mich dine ufgregt ab somene blöde grosse fernseh wo en riise krach produziert het. plötzlich verschwindet oise jüngschti teilnehmer vo dere reis gschnell, woner zrugg chunt isch au de meis plötzli weg, woruf er meint, er hegi halt gschnell de stecker uszoge, geili aktion. die letschte 2h sind sehr hert worde, wortwörtlich, de mr.südkurve und d'paparazzi hend sichs au na bequem gmacht am bode, mit de BOYS und züri fahne zuedeckt und es schlöfli grisse. de rescht isch relativ unspektakulär z'end gange. am 8ti simmer den is flugzüg igschtige,und abdüst. nöd emal turbulenze hets geh, hammer s'flüge scho chli andersch vorgstellt. zum schluss hets flugi nachli gschwenkt, woruf de mr.südkurve grad verwachet isch und grad na en luping verlangt het...
fazit vo dere reis, es isch wiederum huere geil gsi, absolut kaputt, und ab jetzt chani eifach e kei bachsteihüser meh gseh. blöd isch nume dasi selber i eim wohne. jetzt hani verlore, gell K.
(insider)
grüess gönd a all zürcher wo dune gsi sind, ussert imbach & co, wos gfühl gha hend sie müessed sich noimed anderts uf de tribüne platziere, und all wo de ganz brunz bis da abe glese hend.
AUF NACH LUZERN AM MITTWOCH.
i dem sinn, bis den und guet nacht.
http://www.f15.parsimony.net/forum24511 ... /50554.htm
da noch der link falls jemand wieder mal die alten diskussionen verfolgen will ;-)
POLITIcally incorrect...
