eui kreativ adere und hilf isch gfröget!

[Jea]

guete morge

(jaja, min erschte bitrag uf däm forum...smile)

also, han wieder mal es chlises prob und eui kreativität isch gfröget... en kolleg vo mir hätt gli geburtstag und ich sött echli es speziells geburi gschänk ha, öppis usgfallnigs, aber nünt sexistischs! (ämäl nünt extrems, und nei, ich schänke mich au ned sälber... grins) eifach öppis witzigs, woner sicher ned vergisst!

darum würd mich mal wunder näh, was ihr so für idee händ, wie ihr scho es bitzli verarscht worde sind, oder verarscht händ... ? und was s beschte gsi isch.. usw.
lönd eure fantasie freie lauf... :))

bin gspannt.

ich han da scho sone idee gha, hämer mal bime kolleg uf dä hochziitstag gmacht, aber das isch im usland gsi, kei ahnig, ob dass da au möglich wär. mer händem sin chline vw käfer usenand gnoh und id wohnig (bezw. huus) inegstellt... .
gruess und danke für eui hilf!

(aja, umso verückter, desto besser!)

[flöru]

saisonabi bim FCZ!

[Jerkovic]

guete morge

(jaja, min erschte bitrag uf däm forum...smile)

also, han wieder mal es chlises prob und eui kreativität isch gfröget... en kolleg vo mir hätt gli geburtstag und ich sött echli es speziells geburi gschänk ha, öppis usgfallnigs, aber nünt sexistischs! (ämäl nünt extrems, und nei, ich schänke mich au ned sälber... grins) eifach öppis witzigs, woner sicher ned vergisst!

Aso, zerscht emal welcome uf dem Forum !

Chunt halt echli drufaa, wie alt er wird. Hät er e Fründin/Frau/Familie?

[Jea]

er wird 34, hätt e fründin (wänn mer däm so sägä chan... *g*)
(hätt aber immer nur scheiss im grind!)

[Aglaia]

Wie wärs mit Boxer shorts wo en blöde spruch drufe händ oder isch das zu intim :-)))

[Ouimet]

chauf em es liebli wo ZÜRICH drufstaht

[Sascha]

Darüber würde ICH mich freuen....

http://www.ricardo.ch/cgi-bin/auk?cmd=m ... usr=Elfi0;