Wieso seid Ihr FCZ Fans? Wie seid Ihr zum FCZ gekommen?

Mr. Pink · Beitragvon **Mr. Pink** » 02.12.03 @ 14:58

tja, denn schrieb ich au mal mini bisher churzi FCZ gschicht da inne!

also, min Vater isch scho immer en GC Fan gsi, min Brüeder isch dadurch au GC Fan worde, aber ich bin scho immer dä trötzler gsi und au dur dä Ifluss vu mim Göti (scho sit jahre FCZ Fan) han ich mich gäge dä schädlichi GC Ifluss gwehrt. Ich bin dänn eigentlich niä Fuessballfan worde, han mi nur für Hockey interessiert, doch au das hät ufghört wo sich wäge GC alles i dä NLA gänderet hät (ZSC nöd 8te ändi Quali? das dörf doch nöd si)!

Und will sich mir zu dere Ziit i dä Sek grad en neue Kollegechreis erschlosse hät, wo FCZ Fan gsi isch, han ich dänkt ich düchi di fehlendi Hockeybegeischterig mit Fuessball kompensiere! Bin dänn zwei drü Jahr nur d'Derbys gu luege. Letscht jahr bini praktisch all Heimspiel gu luege, und diä Saison versuechi au all Uswärtsmatch gu luege!

Und letscht Saison hämmer denn ja au entschlosse ois echli z'organisiere und ois en chline Fanclub zgründe, also en neue Epoche i mim FCZ Läbe azfangä!

PS: Min Brüeder hät sich au vu GCn losgrisse und chunt mitlerwile au jedes FCZ Heimspiel gu luege.

Rolf71 · Beitragvon **Rolf71** » 02.12.03 @ 15:04

Jetzt geb ich auch noch meinen "Senf" zu diesem Thema. Wie kommt ein Fricktaler auf die Idee FCZ-Fan zu sein? Als ca 5-Jähriger Bueb durfte ich mit meinem Grossvater und meinem Vater an meinen ersten Match. Als Fricktaler selbstverständlich nach Basel ins Joggeli und dort spielte der FCB gegen den FCZ. Lange vor dem Match liefen die Spieler in ihren Privatklamotten ein und inspizierten das Spielfeld. Mein Vater ging mit mir zum Spielfeldrand und ich sollte Autogramme der FCB Spieler sammeln, doch arrogant wie sie waren beachteten diese den kleinen Jungen am Spielfeldrand nicht. Irgendwie hat dies Gianpietro Zappa mitbekommen und mich an der Hand aufs Spielfeld geführt. Von sämtlichen FCZ-spielern erhielt ich ein Autogramm aufs Matchheftli. Leider kann ich mich nicht mehr ans Resultat oder an die damaligen Spieler erinnern (das unterschriebenen Matchprogramm ging inzwischen auch verloren), doch seit diesem Tag schwärmt mein Herz für den FCZ!
Gruss aus dem Fricktal und HOPP FCZ!

Jea · Beitragvon **Jea** » 02.12.03 @ 15:08

min churz gschicht...

ich bin ebefalls, wie vieli anderi durch min vater zum fcz wie au zum zsc cho... er hätt mi woni chum ha chönne laufe, scho a mätsch mitgnoh, zerscht sinds hockey mätsch gsi, dänn fuessball (wobi ich afangs am sa amigs go fcz "han müesse" luege ;) und am so altstette), dihei isch ebefalls eifach nur vill sport gloffe. für üsi familie isch klar gsi, dass mer fcz und zsc fan wird... nur, ich ghör zu däne, wo meh ufs hockey gange isch.

es paar jahr spöter isch mini cousine gc fan worde, wägem kubi und em zubi (wie chamer nur!!) und dass vo üs niemert eilei an match hät müesse, simer zämä ad mätsch gange, d.h. ich go gc luege und sie mit mir fcz, wobi sie unterdesse au fcz fan isch :). min vater würd sich im grab umdräie, wänner mitbecho hett, dass ich id chiesgrueb bi, wo dä fcz ned dert gspillt hätt... :)

grüessli

Kiwi · Beitragvon **Kiwi** » 02.12.03 @ 15:22

Also ich bin FCZ-Fan worde, wil mich min grossvater einigi mal mitgno het uf de letzigrund, und das nur, wil er het welle vermiide, dass ich nach mim vater chume, und regelmässig de hardturm bsueche (wird ihm ewig dankbar si defür).
Leider isch min grossvater bi minere schwöster z'spat cho, und drum isch si jetzt gc-fan...!
so hett ich müesse i de unterzahl mit gc-fans zämmä läbe, aber mini mueter het mitleid gha, und isch dur das eigentlich fcz-fan worde!
das wär mis herzige fcz-gschichtli xi...=)

King · Beitragvon **King** » 02.12.03 @ 15:28

hmm lasst mich mal überlegen....

Ich glaube das erste Spiel, dass ich vom FCZ gesehen habe, war vor ungefähr 15 Jahren oder so. Wir gingen mit dem FC in den Hardturm, damals noch mit den alten Tribünen an das Derby. Ich war so ungefähr in der 4. Klasse. GC hat gewonnen, glaube ich auf jeden Fall. Auf alle Fälle hat der FCZ einen Penalty verschossen, bzw. an den Pfosten geknallt. Damals stand noch unser jetztiger Goalietrainer Martin Bruner im Tor der Hoppers. Auf alle Fälle, kann ich nicht sagen das ich da schon FCZ Fan war.

Mit meinem Vater ging ich an die GC spiele, da er durch seinen Chef immer Tickets bekam. Ich mag mich noch erinnern, als ich mal mit meinem geschenkten St. Gallen Schal zum Match ging und der Chef meines Vaters einen blöden Spruch brachte. Ich habe mir gedacht, was für ein Arschloch. ICh war so 10-12 Jahre und der hat nichts besseres zu tun als mich anzuficken? Anyway mein Vater und ich haben uns tierisch gefreut, dass St. Gallen GC runtergeputzt hat. Das war wohl eines der letzten Spiele die ich zusammen mit dem Chef von meinem Vater gesehen habe. Da mein Vater die wurzeln in der Ostschweiz hat, freut er sich auch heute noch über St. Gallen oder auch Wil, jedoch habe ich so gute Arbeit geleistet, das seine Sympathien mehr beim FCZ sind als bei GC.

Zum wirklich FCZ Fan wurde ich so mit 16 / 17 Jahren. Ich wurde wohl zum FCZ Fan, weil ich jeden Tag die Stadt Zürich noch mehr lieben lernte. Mir war klar, dass ist meine Stadt, hier gehöre ich hin. Also liegt es wohl sehr nahe, dass ich den Stadtclub supporte und nicht die Hoppers aus Niederhasli!

Socrates · Beitragvon **Socrates** » 02.12.03 @ 15:54

Mr. Pink hat geschrieben:PS: Min Brüeder hät sich au vu GCn losgrisse und chunt mitlerwile au jedes FCZ Heimspiel gu luege.

... und alles wird gut! ;-)

Mr. Blue · Beitragvon **Mr. Blue** » 02.12.03 @ 16:04

Socrates hat geschrieben:
Mr. Pink hat geschrieben:PS: Min Brüeder hät sich au vu GCn losgrisse und chunt mitlerwile au jedes FCZ Heimspiel gu luege.

... und alles wird gut! ;-)

nöd nur guät sondern au richtig. jez gits für beid fürs ganze läbe nur no ein verein und ei gruppierig: fcz und reservoir dogs. hehehehe

FCZForum - FCZ - FC Zürich

Wieso seid Ihr FCZ Fans? Wie seid Ihr zum FCZ gekommen?

Wer ist online?