Beitragvon Célina » 26.01.03 @ 16:27
Ja, also was hends e so verzellt. Es isch ums Flirte gange. Er het irgendwie gseit er müssi das nöd mache, denn er hebi ja jetzt e hübschi Frau. Denn hends über Fanbrief gredet. Er het gseit er chömi vill Brief vo Teenager, also Meidli über. Und darum müssi d'Frau nöd iversüchtig si. Er beantworti au gern jede Brief.
Denn sie segi ihm sini Traumfrau.
Und suscht het sie no gseit, es segi nöd immer eifach en Fuessballer als Ma zha. Früener hebi sie denkt, nie en Fuessballer und plötzlich heb sie eine gha.
Hmm.... Ah, ja. Sie hend sich im Usgang keneglernt.
Ja, meh weiss ich eigentli au nüme. Ich han gfunde er hebi ganz anderscht gredet, so erwachsner. Nöd wie i de Interviews amel wenn er so "voll krass" und e so seit.
Sie het no en symphatische Idruck gmacht, aber sie het sich irgendwie über die Meidli wo Fanbrief schribed e chli luschtig gmacht. Hani e chli gemein gfunde.
Ja, mier chunt jetzt au nöd grad meh in Sinn ussert öpis. Sogar de Radiomoderator het so gseit, sie segi e Hübschi, würd mi ächt wunder näh wie die usgseht!
Also, schöne Tag no
Grüessli
Célina