halli-hallo zäme!
ig chome zwar usäm AG be aber scho sit johre än grosse FCZ fan ond wirds au för immer blibe! ha e dä letschte zyt s'fcz forum immer mit grossem interässe gläse ond entsprächend mitverfolgt! hüt ha ig ähnlech au wie dä "Bauz" gfunde, so fertig mit "nor" läse, jetzt muess ig au mou min sänf derzue gäh zo au däne diskussione wo da inne om üse liäblingsclub FCZ abgöhnd. ja ond so hau ig hüt am obe äbe au s'erschtmou uf taschte!
im Bauz sini postings händ mich öbrigens zuesätzlech ermunteret, das eifach churz no am rand.
mer kenne das ja alli, immer ond immer weder wird dä trainer ond sis ganzi umfäud benäre negativserie wie's mer jetezt weder müend erläbe in frag gstellt. (mer cha ja aues im forum unter dä entsprächende title nacheläse) aber au ig muess im Bauz in vielne sache rächt gäh. es het mich öbrigens au scho längers unter dä fingernägel brennt, das mou im forum "öffentlech" zäge: üse ads härz gwachsni FCZ het ned erscht sit däre saison oder erscht rächt ned nachem match vo geschter än krise, NEI, er het sie scho sit jahre ond ig meine scho sit jahre!!! ig wött mi ned wederhole was scho anderi gseit händ, aber mit eim het dä Bauz ganz eifach rächt: dä verein chunt ned vom fläck, glich wär dass dä trainer esch, was mer för spieler händ, usw. - e eim punkt schloh ig mech au ganz klar ufd site vom Bauz: dä überus gschätzti ond fasch unersetzlechi wägem Gäud! ond nor wägem Gäud)presi Herr Hotz bringts eifach ned ane, usäm FCZ än club z'mache wo mer alli weder üsi freud dra händ. öb gross oder chli, rich oder arm...mer ALLI wänd doch eifach än Club ha wo mer stolz druf cha si ond wo strukture het, wo amäne Club wie dä FCZ eigetli sötti si, grächt sötti wärde. aber liäbi FCZlerInne, das händ mer eifach scho sit johre nömme!! au öppert het gschriebe, mit Gäud allei wird mer haut au ned erfolgricher. wie wohr!!! ig chume us dä gägend Aarau, ond dä FC Aarau wäri eigetli vor minre hustüre. aber eimou FCZ, immer FCZ!! obou dä chliclub scho ganz vieu beachtelchs ane brocht het e sinre Clubgschicht mitäme üsserscht bescheidene Budget, im gägesatz zu üsem FCZ, esch äs doch eifach penibel was mer johr för johr weder im herbscht müend öber üs ergah lah. was mer mit weniger gäud aber mit eifache aber durchus probate ond au äs stückli wit intelligänte ond sogar au profesionelle mittel cha mache, das gseht mer äbe am biespel FC Aarau. äs paar pünkt vorsprung het üs dä provinzclub doch tatäschlech scho abgnoh...mit äme trainer ond äre mannschaft OND mitäme presi wo ganz anderscht wirtschafte wie's äbe leider üse FCZ macht. ond sie händ erfolg, wenigschtens het fasch niemerts das däne rüebliländer am afang vo dä saison zuetraut. sorry, aber dä gueti Herr Hotz het zwar sis Härz wie vieli vo üch au, äm FCZ vermacht aber ohni suberi konzept, strategie etc. esch hüt bim beschte wille kän SL club meh zmache...da sind äbe no ganz anderi proviznclub vor üs, ned nur aarau......
ond hee...dont worry, än fusion mit dä erzfeinde "ane vo dä gleis" die wirds so gli ned gäh! 100%-ig!
auso hacket ned am trainer ome, ned a dä spieler (obwou äs faut au mer schwär) aber s'über lieht begoscht eifach ganz wo anderschts....ond äs wird au nochli so blibe we mer sech ned äntli ufrafft ond struktere ond idee verwürkleche tuet wo nä club wie's dä FCZ esch haut eifach mou brucht. mer händs ja no jedes jahr gseh wies usecho esch.....oder esch das öppe eifach immer nor päch oder zuefau oder wie dirs au immer wänd nenne??!
1x FCZ - immer FCZ!!
häbets guet ond stecket dä grind ned in sand....zerscht wird gruederet!! hoffentli!?? oder äbe doch ned......